A palabra intervención caracterízase pola pluralidade de connotacións que ten. De feito, se a buscamos no "Diccionario de uso del español" (Moliner, 1994) atoparemos que entre outras, unha das súas acepcións é a de participar ou tomar parte .

Este é o xeito no que Andaravío entende a intervención social, como forma de actuación xunto con outros/as en certos ámbitos de actividade.

A través das accións englobadas neste apartado, pretendemos:

• Coñecer as necesidades específicas dos colectivos destinatarios.

• Promover cambios duraderos que melloren a calidade de vida das persoas participantes.

En Andaravío deseñamos e desenvolvemos programas de intervención social dirixidos tanto a mellorar a calidade de vida dos colectivos destinatarios, como a previr (de xeito primario e/ou secundario), e detectar situacións de risco ou exclusión social.

Sinalamos a continuación algúns dos programas que desenvolvemos

• INTERVENCIÓN SOCIOCULTURAL: Incluimos neste apartado aquelas accións dirixidas a promover o desenvolvemento dunha comunidade ou colectivo mediante a participación activa dos seus membros.

• Programas de animación sociocultural

• Programas de Educación Ambiental

• Programas de prevención da violencia de xénero

• Actividades de alfabetización dixital: dirixidas a distintos grupos de idade.

• Actividades dirixidas á terceira idade:

• Obradoiros de Estimulación Cognitiva

• Obradoiros de Memoria

• Programas de Envellecemento Activo

• INTERVENCIÓN SOCIOSANITARIA: Dentro deste apartado incluímos aqueles programas dirixidos a abordaxe preventiva de diferentes aspectos relacionados coa saude.




• Programas de Educación sexual

• Programas de prevención de VIH

• INTERVENCIÓN PSICOSOCIAL

• Programas de resolución de conflitos

• Programas de prevención da violencia entre iguais.